Սիրիայում հիմնական ռազմական ճակատը տեղափոխվել է երկրի հյուսիս: Ինչպես այսօր հաղորդել է «Ալ-Մանար» հեռուստաալիքի ռազմական աղբյուրը՝ սիրիական հրամանատարությունը սկսել է «Հյուսիսային փոթորիկ» օպերացիան՝ Հալեպ քաղաքը և նրա շրջակայքը զինված ծայրահեղականներից ազատագրելու համար:
Նրա տեղեկություններով՝ զորքերը զրահատեխնիկայի օգնությամբ վաղ առավոտից զգալիորեն առաջ են անցել՝ ջախջախելով հակառակորդի դիրքերը Հայանում, Անադանում և Հարեյթանում։
«Սիրիական բանակը, որը զինված խմբավորումներին դաս էր տվել Էլ-Կուսեյրում, նոր հարվածներ է հասցնելու հակառակորդին այնքան ժամանակ, մինչև սիրիական հողում ոչ մի ահաբեկիչ կամ վարձկան չմնա»,- հայտարարել է վարչապետ Վայիլ Հալքին:
Նրա խոսքերով՝ Սիրիան բաց է ճգնաժամի կարգավորման ցանկացած նախաձեռնության համար, որը կերաշխավորի նրա ինքնիշխանությունը, անկախությունը և միասնականությունը:
