Գերմանիայում ավելի քան մեկ շաբաթ առաջ սկսված ջրհեղեղները կարող են «անցնել» ամբողջ երկրով՝ հարավից հյուսիս: Շաբաթ երեկոյան ջրի մակարդակի կտրուկ բարձրացման վերաբերյալ կանխատեսումներ են եղել: Ջրի տակ կարող են հայտնվել Ներքին Սաքսոնիա և Շլեզվիգ Գոլշթեյն շրջանները:
Նախորդ հանգստյան օրերին Գերմանիայում սկսված ջրհեղեղների պատճառով «հարվածի» տակ են հայտնվել Բադեն Վյուրթեմբերգի և Բավարիայի շրջանները, ինչպես նաև՝ Սաքսոնիան: Այս շրջաններում այժմ իրավիճակը կարգավորվում է:
Ծանր է վիճակը, սակայն, Սաքսոնիա Անհալթում: Շրջանի մայրաքաղաք Մագդեբուրգում ջուրը 60 սմ-ով գերազանցել է 2002 թ.՝ «հարյուրամյա ջրհեղեղի» մակարդակը: Իշխանություններն իրավիճակը կրիտիկական են համարում:
Ուժգին ջրհեղեղի են «պատրաստվում» այժմ հյուսիսային շրջանները, որոնք տեղակայված են Էլբայի վերին հոսանքում: Այսպես, ջրի մակարդակի բարձրացում է սպասվում Ներքին Սաքսոնիայում: Այս մասին հաղորդում է առափնյա տարածքների համար պատասխանատու ծառայությունը: Էլբա և Զաալե գետի ալիքները միավորվել և դեպի հյուսիս են շարժվում, նշվում է գերատեսչության հաղորդագրությունում:
Ջրհեղեղը կարող է հասնել հարավ-արևելքում գտնվող Մեկլենբուրգ-Առաջադիր Պոմերանիայի շրջաններին, ինչպես նաև ԳԴՀ բնակչության թվով 2-րդ՝ Համբուրգ քաղաքին:
