ԱՄՆ նախագահ Բարաք Օբաման և Չինաստանի նախագահ Սի Ցզինպինն ուրբաթ օրը Կալիֆոռնիայի Սանիլենդս կալվածքում սկսել են երկօրյա բանակցությունները: Այս մասին հայտնում է ITAR-TASS-ը:
Մինչ ճաշին անցնելը, նրանք մի քանի հայտարարություն են արել: Մասնավորապես, Օբաման ողջունել է Չինաստանի խաղաղ զարգացումը: Բացի այդ, նա նշել է, որ ԱՄՆ-ն ու Չինաստանը բախվում են ընդհանուր խնդիրների, որոնց թվում է Հյուսիսային Կորեան, ինչպես նաև կլիմայական փոփոխությունները: ԱՄՆ նախագահը նաև նշել է, որ ամերիկյան կողմը հետաքրքրված է Չինաստանի հետ կիբեռանվտանգության ոլորտում սերտ համագործակցությամբ:
Իր կողմից Սի Ցզինպինը նշել է Չինաստանի աճող ազդեցությունը Խաղաղօվկիանոսյան տարածաշրջանում՝ նշելով, որ այնտեղ բավականին տեղ կա երկու երկրների համար էլ:
Ոչ պաշտոնական հանդիպման օրակարգը հագեցած է: Նշենք, որ Սանիլենդսը պատկանում է միլիարդատեր Ուոլթեր Աններբերգին և արդեն մեկ անգամ չէ, որ ամերիկյան կառավարության կողմից օգտագործվում է նման միջոցառումների համար:
Օբամայի խոսքերով՝ Սի Ցզինպինի պաշտոնակալությունից անմիջապես հետո հանդիպելու որոշումը ցույց է տալիս ամերիկա-չինական հարաբերությունների կարևորությունը: Չինաստանի առաջանորդն իր հերթին հայտնել է, որ իրենք հանդիպել են՝ ծրագրելու երկկողմ հարաբերությունների ապագան:
Նրանք լրագրողների առջև հայտնվել են կոստյումներով, սակայն առանց փողկապի: Չնայած 34 աստիճան շոգին՝ նախագահները զբոսնել են կալվածքի ստվերոտ ծառուղով:
