Սիրիացի զինծառայողներն ուրբաթ օրը զինված ծայրահեղականներից մաքրել են Ալ-Կուսեյր քաղաքից հյուսիս ընկած բնակավայրերը: ՍԱՆԱ գործակալության տվյալներով՝ ազատագրվել են Դաբաան և Բուեյզա Աշ-Շարկիան, որտեղ զինծառայողները հայտնաբերել են զենքով, զինամթերքով լցված ստորգետնյա թունելներ և բունկերներ:
Հարևան գյուղերում զինվորականներն առգրավել են հակառակորդի կողմից լքված հրթիռային սարքավորումներն ու գնդացիրներով ռազմատրանսպորտային միջոցները: Մարտերի ժամանակ ոչնչացվել և գերեվարվել են մի քանի տասնյակ գրոհայիններ, որոնց թվում կան վարձկաննր: «Ալ-Իհբարիա» հեռուստաալիքի փոխանցմամբ՝ սկսվել է բնակիչների վերադարձն Ալ-Կուսեյր:
Հոմսի նահանգապետ Ահմեդ Մունիր Մուհամմադը, ելույթ ունենալով հանրահավաքի ժամանակ, հայտնել է ավերված քաղաքի և դրա շրջակայքի վերածնման կառավարական ծրագրի մշակման մասին: Նշենք, որ այն ենթարկվել է քաղաքացիական պատերազմի երկու տարվա ընթացքում ամենախոշոր հարվածին:
Կառավարական ուժերը գրոհայինների ոչնչացման մասշտաբային օպերացիա են սկսել նաև Հալեպից հյուսիս ընկած տարածքում:
