Ի պատասխան Հարավային Կորեայի կոչի՝ հաջորդ շաբաթ Սեուլում նախարարների մակարդակով բանակցություններ անցկացնել, Հյուսիսային Կորեան ուրբաթ օրը հանդես է եկել այլընտրանքային առաջարկով՝ առաջիկա կիրակի աշխատանքային մակարդակով բանակցություններն անցկացնել իր տարածքում: Այս մասին հաղորդում է «Ռեյնհափ» գործակալությունը:
Փխենյանը հայտնել է նաև, որ կվերականգնի Կարմիր խաչի հետ կապի միջոցները, որոնք դադարեցվել էին Կորեական թերակղզում հարաբերությունների սրումից հետո:
Նախօրեին հյուսիսկորեական ԶԼՄ-ները տարածել էին Կորեայի խաղաղ միավորման կոմիտեի հայտարարությունը, որտեղ Սեուլին առաջարկվում է բանակցություններ վարել տնտեսական համագործակցության, ինչպես նաև հարավկորեական Կիմհանսանե հանգստի գոտում զբոսաշրջային այցելությունները վերականգնելու առնչությամբ: Նշվել է նաև, որ կքննարկվեն մի շարք մարդասիրական հարցեր:
