Ապրիլի 21-22-ը ՌԴ արտաքին գործերի նախարար Սերգեյ Լավրովը պաշտոնական այց կկատարի Հայաստան: Ապրիլի 21-ին նախատեսվում է ակցիա , որը պայմանավորված է Լավրովի Հայաստան կատարելիք այցով:
Քաղաքական վերլուծաբան Ստյոպա Սաֆարյանի դիտարկմամբ՝ մտահոգիչ երկու խնդիր կա, որի համար Լավրովը այցելում է Հայաստան. «Առաջին՝ փորձել վերակենդանացնել ՌԴ նախագահի հովանու ներքո եռակողմ ձևաչափը, որը, մենք համոզվեցինք, որ 2008թ-ից հետո որևէ բան չտվեց, ավելին, սպանեց Մինսկի խմբի գործունեույթունը: Այժմ պետք է հասկանանք, որ սցենարը կրկնվում է, և թերևս Ռուսաստանը մի կողմում թողնում է Մինսկի խմբի ֆորմալ գոյությունը և մասնակցությունը, բայց մյուս կողմում սկսում է եռակողմ հանդիպումների ձևաչափ, ու հանդիպումները տանում է դեպի փակուղի, դրանով, ըստ էության, կանխում է Մինսկի խմբի վերագործարկումը, մինչդեռ տարածաշրջանում խաղաղության ամրապնդման և կայունության համար այդ գործիքը չափազանց կենսական է եղել:
Մենք տեսանք, որ երբ Ռուսաստանի նախագահի հովանու ներքո կազմակերպված հանդիպումները մտան փակուղի, դրանից հետո սկսվեց Ադրբեջանի սպառազինման գործընթացը և այն հանգեցրեց ապրիլյան 4-օրյա ճակատամարտին: Հետևաբար սա մի խնդիր է, որին չափազանց զգույշ պետք է վերաբերվել: Եթե անգամ մի կողմից ընդունենք, որ Հայաստանը եռակողմ հանդիպման հետ կապված դիմադրության ռեսուրսներ չունի, այնուամենայնիվ, Հայաստանը պետք է ամեն ինչ անի՝ թույլ չտալու համար ԵԱՀԿ Մինսկի խմբի ոչնչացումը, ինչպես դա տեղի ունեցավ 2008թ-ից հետո, մինչև 2011-2012թթ.:
Երկրորդ անհանգստությունը, անշուշտ, պայմանավորված է այն առաջարկներով, որոնք բերվում են Երևան, այն այժմ ստացել է Դ. Մեդվեդևի պլան անվանումը»:
Մանրամասները՝ տեսանյութում:
