ՀՀ վարչապետ Հովիկ Աբրահամյանը լրագրողների հետ ճեպազրույցում անդրադարձավ Մոսկվա կատարած իր այցին: Հարցին՝ արդյո՞ք դա նվաստացուցիչ չէր, նա պատասխանեց. «Ես կարծում եմ, որ երկրի վարչապետը չպետք է զգացմունքային որոշումներ կայացնի և ուղղորդվի զգացմունքներով, այլ պետք է մտածի պետության շահերից ելնելով:
Իհարկե, կարող էի չմասնակցել ու հաճոյանալ մեր ժողովրդի այն մասին, որոնք ասում էին՝ չպետք է գնալ, դա պատիվ չի բերի, սակայն կարծում եմ՝ գնալը շատ ճիշտ էր. մենք պետք է մտածենք այն համագործակցության մասին, որ ունենք մեր ռազմավարական դաշնակցի հետ,
Նիստի առաջին իսկ պահից որոշում կայացվեց, որ ԵՏՄ վարչապետների խորհրդի առաջիկա հանդիպումը պետք է տեղի ունենա Երևանում մայիսի 20-ին: Գնալը շատ արդյունավետ էր և մեր դաշնակցի հետ մենք պետք է մեր հարաբերություններն ամրապնդենք»:
Անդրադառնալով դիտարկմանը, որ սահմանին տիրող իրավիճակի պայմաններում կառավարությունը իրավունք չունի շռայլ ծախսեր անելու, երբ սպառազինության խնդիր ունենք, Հովիկ Աբրահամյանն արձագանքեց. «Կառավարությունը առաջարկ չի արել, որ գումարներ հավաքագրվեն սպառազինության համար, մենք ունենք այդ գումարները, գործընթացը գնում է առաջ, եւ շատ շուտով այն զենքը, որ պլանավորել ենք ձեռք բերել, ձեռք կբերենք»:
Մանրամասները՝ տեսանյութում:
