Իրանը պայմանագիր է կնքել եվրոպական շուկա օրական 700 հազար բարել նավթ արտահանելու վերաբերյալ: Այս մասին հայտարարել է Իրանի նավթի նախարար Բիջան Նամդար Զանհանեն՝ գրում է ria.ru-ն:
Զանհանեն հայտարարել է, որ ԵՄ երկրները Իրանը դիտարկում են որպես վստահելի գործընկեր էներգամատակարարման ոլորտում, և ավելացրել, որ պետք է Իրանի և ԵՄ-ի միջև մշտական բանակցություններ անցկացվեն, որպեսզի բարելավվի Իրանից նավթի և գազի արտահանումը եվրոպական շուկա:
Զանհանեն հավելել է նաև, որ եվրոպական ընկերությունները պետք է սկսեն ներդրումներ կատարել երկրի նավթային, գազային և նավթաքիմիական ոլորտներում:
Ավելի վաղ Զանհանեն ասել է, որ Իրանը արտահանում է օրական 1,7-1,75 մլն բարել նավթ: Ընդ որում՝ Եվրոպա է մատակարարվում օրական ավելի քան 500 հազար բարել նավթ:
