Հարյուր հազարավոր բրիտանացիներ, որոնք կարիք ունեն անհապաղ բժշկական միջամտության, ստիպված են մի քանի ժամ շարունակ հերթ կագնել բժշկի մոտ մտնելու համար: Նման ցուցանիշներ են ներկայացված հեղինակավոր King’s Fund ոչ առևտրային կազմակերպության զեկույցում:
Հիմնադրամի աշխատակիցները, որոնք զբաղվում են Միացյալ Թագավորության առողջապահական համակարգի ուսումնասիրությամբ, անցկացրել են լայնամասշտաբ հետազոտություն՝ պարզելու, թե որքան ժամանակ է միջին բրիտանացին սպասում ինտենսիվ թերապիայի կամ վերակենդանացման բաժանմունքներում:
Համաձայն ստացված տվյալների՝ 2013 թ. առաջին եռամսյակում անհապաղ բժշկական միջամտության կարիք ունեցող մոտ 313 հազար հիվանդներ ավելի քան 4 ժամ անցկացրել են հիվանդանոցային հերթերում: Դա նախորդ տարվա համեմատ 40 տոկոսով ավելի է, հաղորդում է ITAR-TASS-ը: