U2 խմբի մենակատար Բոնոն առաջարկել է պայքարել ԴԱԻՇ-ի դեմ ոչ թե ավիահարվածներով, այլ ծիծաղով, և դրանում ներգրավվել կատակերգուներ Քրիս Ռոքին, Սաշա Բարոն Քոենին և էմի Շումերին։ Այս մասին հայտնում է The Guardian-ը։
Իռլանդացի երաժիշտը երեկ նման առաջարկով է հանդես եկել ամերիկյան սենատի կոմիտեի առջև Մերձավոր Արևելքում տիրող իրավիճակի և փախստականների հետ կապված ճգնաժամի վերաբերյալ քննարկումների ընթացքում։
«Մի՛ ծիծաղեք, ես կարծում եմ, որ պետք է գործի դնել կատակերգուներին։ Երբ դու օգտագործում ես բռնությունը, դու խոսում ես նրանց լեզվով։ Սակայն երբ դու ծիծաղում ես նրանց վրա, դա ոչնչացնում է նրանց իշխանությունը»,- ասել է Բոնոն։
