Չինաստանի իշխանությունները հայտարարել են բնակչության համազգային մարդահամար անցկացնելու մասին՝ փորձելով լուծել, այսպես կոչված, լքված երեխաների խնդիրը՝ երկրի ամենաանհետաձգելի սոցիալական խնդիրներից մեկը: Այս մասին հայտնում է BBC-ի ռուսական ծառայությունը:
Տասնյակ միլիոնավոր աշխատանքային միգրանտներ իրենց գյուղերից մեկնում են քաղաքներ՝ աշխատելու, միաժամանակ, նրանք ստիպված են երեխաներին տանը թողնել, քանի որ նոր աշխատավայրում նրանց դպրոցներ չեն ընդունի ծնողների մշտական գրանցման բացակայության պատճառով:
Այդ իրավիճակը կարող է տարիներ պահպանվել, որպես հետևանք՝ ծնողները երկար ժամանակ չեն տեսնում իրենց երեխաներին, որոնք թողնված են տարեցների հոգածությանը կամ ընդհանրապես իրենք են հոգ տանում իրենց մասին:
