Թուրքիայի հատուկ նշանակության ուժերի առնվազն 100 անդամներ մտել են Սիրիայի տարածք։ Այս մասին Sputnik գործակալությանը հայտնել է քրդական ինքնապաշտպանական ջոկատների (YPG) աղբյուրը։
Նշվում է, որ մուտքը կատարվել է Բաբ Ալ-Հիուա անցակետով (Իդլիբ նահանգ)։
Ավելի վաղ RIA Novosti-ին տված հարցազրույցում Սիրիայի նախագահ Բաշար Ասադը հայտարարել էր, որ Թուրքիայի նախագահ Ռեջեփ Թայիփ Էրդողանն անմիջականորեն աջակցում է ահաբեկիչներին, թույլ է տալիս նրանց տեղաշարժվել թուրքական տարածքով, այդ թվում՝ տանկերի կիրառմամբ մանևրումներ անել։ Նրա խոսքով՝ Սիրիայում քաղաքական գործընթացը տեղի է ունենում երկիր չհայտարարված ցամաքային ներխուժման ֆոնին։
