Շվեդ մարզական բժիշկ Ուլֆ Կարլսոնը պնդում է, որ Շվեդիայի ազգային հավաքականի հարձակվող Զլատան Իբրահիմովիչն արգելված խթանիչներ է օգտագործել Թուրինի «Յուվենտուս»-ում խաղալիս՝ 2004-06թթ։
«Իբրահիմովիչն ընդամենը 6 ամսում 10 կգ մկանային զանգված է հավաքել՝ «Յուվենտուս»-ում խաղալիս։ Վստահ եմ՝ դա դոպինգի արդյունք է։ Առանց դոպինգի դա անել հնարավոր չէ։
Կարծում եմ՝ սա պատահական չէ, քանի որ նման դեպքեր «Յուվենտուս»-ում նախկինում նույնպես եղել են։ Այդ ակումբում աշխատել է բժիշկ, որը երկար ժամանակ որակազրկվել է»,- Կարլսոնի խոսքերը մեջբերում է NWT պարբերականը։
