Ճապոնիայի ոստիկանությունը հինգշաբթի ներկայացրել է ավտոմատ ինքնակառավարվող ավտոմեքենաների թեստավորման կանոնների նախագիծ, որի համաձայն՝ առանց ղեկի և վարորդի «անօդաչուներին» չի թույլատրվում դուրս գալ երկրի փողոցներ: Այս մասին հայտնում է «Կիոդո» գործակալությունը:
Ճապոնիայում ներկայումս ինքնակառավարվող ավտոմեքենաների ակտիվ մշակումներ են տարվում, որոնք պետք է ճանապարհ դուրս գան մինչև Տոկիոյում 2020 թ. օլիմպիադան:
Կանոններում նշված են իրավաբանական հարցեր, այդ թվում՝ այն մասին, թե ով է պատասխանատու փորձարկումների ժամանակ վթարի դեպքում, վարորդական իրավունքների համակարգի փոփոխության, ինչպես նաև ավտոմոբիլային համակարգիչների վրա ցանցահենային հարձակումների դեմ միջոցների մասին: Բացի դրանից՝ կանոնների համաձայն՝ ինքնակառավարվող ավտոմեքենաները պետք է հագեցած լինեն ինքնագրող սարքով՝ ճանապարհային պատահարների դեպքերի համար:
