ԱՄՆ նախագահի պաշտոնին հավակնող Դոնալդ Թրամփի հարձակումները մեքսիկացիների վրա Մեքսիկայի իշխանություններին ստիպել են ԱՄՆ-ում դեսպանին փոխելու որոշում կայացնել՝ գրում է The Los Angeles Times-ը։
Նշվում է, որ ներկայիս դեսպան Միգել Բասանիեսը նշանակվել էր մոտ կես տարի առաջ, սակայն հիմա նրան կփոխարինի Լոս Անջելեսում մեքսիկացի հյուպատոս Կառլոս Սադան։ Որոշումն ընդունվել է Թրամփի հակամեքսիկական հարձակումների հանդեպ կառավարության պասիվ արձագանքի վերաբերյալ մեքսիկացիների բազմաթիվ բողոքների պատճառով։
Մեքսիկայի ԱԳՆ ներկայացուցիչները հայտարարել էին, որ Կառլոս Սադան փորձառու դիվանագետ է, որը մեծ փորձ ունի Հյուսիսային Ամերիկայում մեքսիկացիների իրավունքների պաշտպանության գործում։
Երկրի իշխանությունները հույս ունեն, որ նոր նշանակումը կօգնի արդյունավետորեն պաշտպանել մեքսիկացիների իրավունքներն ԱՄՆ-ում։
