Ադրբեջանական Trend լրատվական գործակալության փոխանցմամբ՝ Ադրբեջանի նախագահի աշխատակազմի՝ արտաքին կապերի գծով վարչության պետ Նովրուզ Մամեդովը AzTv-ին տված հարցազրույցում հայտարարել է՝ եթե որևէ մեկը ԼՂ հակամարտությունը համարում է «սառեցված», ապա նա լիովին սխալվում է:
Մամեդովը հայտարարել է, որ միջազգային հանրությունը, բոլոր կազմակերպությունները, ԵԱՀԿ Մինսկի խմբում համանախագահող երկրները պետք է քայլեր ձեռնարկեն այդ հակամարտության կարգավորման ուղղությամբ:
«Այստեղ չկա սառեցված հակամարտություն, և հակամարտությունը պետք է մոտ ժամանակներս ստանա իր լուծումը: ԵԱՀԿ-ն ու միջազգային կազմակերպությունները շատ պասիվ են Ղարաբաղյան հակամարտության կարգավորման հարցում»,- ասել է նա: