Նախագահ Բարաք Օբաման ուրբաթ օրը հայտարարել է, որ ԱՄՆ-ն 10 տարվա մեջ առաջին անգամ կներկայացնի գերհարստացված ուրանի իր պաշարների նկարագրությունը, հայտնում է RIA Novosti-ն:
«Այսօր մենք կներկայացնենք միջոցառումների մանրամասն նկարագրությունը, որոնք նախաձեռնում են մեր զինվորականները միջուկային նյութերը պաշտպանելու համար: 10 տարվա մեջ առաջին անգամ մենք հրապարակում ենք գերհարստացված ուրանի պաշարների նկարագրությունը, որոնք կարող են օգտագործվել միջուկային զենքի համար»,- ասել է Օբաման Վաշինգտոնի գագաթնաժողովում:
Ինչպես նշել է նա, «բարեբախտաբար ոչ մի ահաբեկչական խմբավորում չի ստացել միջուկային զենք կամ միջուկային նյութ կեղտոտ ռումբ արտադրելու համար»: Նա նաև նշել է, որ «միջուկային ահաբեկչությունից պաշտպանվելու միակ մեթոդը միջուկային նյութերի լիարժեք պաշտպանությունն է»:
