Այսօր Սիրիայում Էրդողանի բանակն է կռվում: Այս մասին հայտարարել է Սիրիայի նախագահ Բաշար Ասադը՝ փոխանցում է RIA Novosti-ն:
«Այն ամենը, ինչ նա անում է, ագրեսիա է, մենք վաղուց կորցրել ենք համբերությունը և հույսը, որ այդ մարդը կփոխվի»,- Թուրքիայի նախագահ Ռեջեփ Թայիփ Էրդողանի մասին ասել է Ասադը:
Նա Սիրիայի երկնքում Թուրքիայի կողմից ռուսական ինքնաթիռի խոցումն անվանել է ագրեսիա Դամասկոսի նկատմամբ:
«Նա (Թուրքիայի նախագահը) թուրք գրոհայիններին ուղարկել է կռվելու Սիրիայում, դա շարունակվում է: Սիրիայի երկնքում ռուսական ինքնաթիռի վրա հարձակումը նույնպես Սիրիայի նկատմամբ ագրեսիա է, քանի որ ինքնաթիռը եղել է նրա ինքնիշխան օդային տարածքում»,- RIA Novosti-ին տված հարցազրույցում հայտարարել է Ասադը:
