«Տյանանմեն հրապարակի մայրեր» շարժումը, որը պահանջում է վերանայել Չինաստանի կառավարության կողմից Պեկինի կենտրոնական այդ հրապարակում 1989 թվականին անցկացված ցույցին հաջորդած դեպքերը, հրապարակել են հայտարարություն, որում ասվում է, որ շարժման անդամները սկսում են կորցնել հույսը: Այս մասին հայտնում է BBC-ն և հիշեցնում, որ հաջակցություն ժողովրդավարության անցկացված ցույցը ցրելու ժամանակ տանկերի տակ բազմաթիվ ցուցարարներ են զոհվել:
Հունիսի 4-ին լրանում է այդ իրադարձությունների 24 տարին:
Շարժման անդամները հայտարարում են, որ նախկինի պես պահանջում են հրապարակել 1989-ի դեպքերի բոլոր հանգամանքները, ինչպես նաև պատասխանատվության ենթարկել ցուցարարների մահվան համար բոլոր մեղավորներին:
Հայտարարության մեջ ասվում է, որ վերջին 24 տարիներին իրենք 26 ուղերձ են հղել Չինաստանի առաջնորդներին ու Չինաստանի Կոմունիստական կուսակցության համագումարներին, սակայն ոչ մի պատասխան չեն ստացել:
Այնուհանդերձ, շարժման անդամները հայտարարել են, որ երբեք են հանձնվի, կշարունակեն աշխատել, քանի դեռ դեպքերը չեն վերանայվել: