Միացյալ Թագավորությունում ավարտին է մոտեցել վերջին տարիներին թանգարանի աշխատակիցների ամենախոշոր բողոքի ակցիան: Ըստ նախնական տեղեկությունների՝ ամբողջ երկրում աշխատավարձերի և թոշակների կրճատման, ինչպես նաև աշխատանքային պայմանների վատթարացման դեմ գործադուլին մասնակցել է մի քանի հազար մարդ:
24-ժամյա գործադուլի ընթացքում մասամբ կամ ամբողջությամբ կաթվածահար են եղել երկրի հիմնական թանգարանային համալիրների աշխատանքները՝ հաղորդում է BBC-ն: Այսպես, Լոնդոնում փակվել են Ազգային պատկերասրահի, Ազգային դիմանկարների պատկերասրահի և Teit Modern պատկերասրահների սրահները:
Լիվերպուլում ակցիան կավարտվի կեսօրին: Կիրակի օրը ակցիային կմասնակցեն նաև պատմական և հնագիտական հուշարձանների պահպանությունն ապահովող աշխատակիցները:
Նշենք, որ վերոնշյալ գործադուլը համարվում է ակցիայի մի մասը, որն սկսվել էր մարտի 20-ին և կշարունակվի շուրջ 3 ամիս: