Google-ը մտադիր է թողարկել սկզբունքային նոր սմարթֆոն, որն օգտատերերին կառաջարկի ծրագրերի նոր հավաքածու և համացանցում աշխատելիս ինտելեկտուալության բարձր աստիճան, հաղորդում է CyberSecurity-ն:
Թողարկված սարքը կլինի Motorola ապրանքանիշի տակ և այն կարտադրի Motorola Mobility դուստր-ընկերությունը:
Նոր սարքը կստանա MotoX անվանումը և ամբողջությամբ կարտադրվի ԱՄՆ-ում: Ընկերությունում ասում են, որ արտադրության առումով չնայած նորույթն ավելի թանկարժեք կլինի, քան Չինաստանում հավաքվող սարքերը, Google-ը նախատեսում է խնայել լոգիստիկայի վրա:
Ընկերության փոխանցմամբ` նոր համակարգը «տեղյակ կլինի, թե ինչ է կատարվում իր շուրջը»:
«Սմարթֆոնը կանխավ կարող է կռահել օգտատերի պահանջները»,- խոստանում են ընկերությունում:
Սմարթֆոնի մեջ կտեղադրվեն սենսորներ, որոնք ի սկզբանե միացված կլինեն և միշտ կհետևեն սարքին, այդ պատճառով սմարթֆոնը «կհասկանա»՝ գտնվում է գրպանո՞ւմ, թե՞ դրված է սեղանին կամ ավտոմեքենայի մեջ, որն ընթանում է 100կմ/ժ արագությամբ:
Motorola-ն խոստանում է, որ սմաթֆոնն ավելի էժան կլինի, քան iPhone 5-ը: