Այսօր հրավիրված մամուլի ասուլիսում ՀԱԿ խմբակցության Լևոն Զուրաբյանը պատմեց 4+4+4 ձևաչափով բանակցությունների առաջարկով իշխանություններին դիմելու մասին:
ԱԺ պետաիրավական հարցերով հանձնաժողովի նախագահ Հովհաննես Սահակյանը «Առաջին լրատվական»- ի հետ զրույցում նշեց, որ իշխանությունը պատրաստ է ցանկացած քաղաքական ուժի հետ ցանկացած ձևաչափով քննարկելու ԸՕ նախագիծը. «Տեղեկացրել ենք, որ վաղը 17.30-ին ԱԺ-ում մենք պատրաստ ենք մեր թիմով՝ ԸՕ շուրջ ձևավորված աշխատանքային խմբով քննարկելու ԸՕ շուրջ հարցերը:
Միշտ էլ կարիք կա, որ մենք քննարկումներ ծավալենք, եթե կա կառուցողական մթնոլորտ, կա մեկ նպատակ՝ ունենալ առավել լավ ԸՕ: Շատ լավ կլինի, որ ի սկզբանե կարծրացած տեսակետով չգան, այլ գան քննարկելու և հասկանան, որ կան դրույթներ, որոնք կարող են ընդունվել կամ չընդունվել»:Հ. Սահակյանի խոսքով՝ 4+4+4 ձևաչափով քննարկմանը իշխանությունը 4 հոգով չի ներկայանա, հրավիրված են նաև Վարդան Պողոսյանը, Հրայր Թովմասյանը, Արփիե Հովհաննիսյանը, հնարավոր է լինեն նաև ՀՅԴ ներկայացուցիչներ:
Հ. Սահակյանը նշեց, որ ընդդիմության ներկայացրած հինգ առաջարկությունների վերաբերյալ մոտեցումները կներկայացվեն առաջիկա քննարկման ժամանակ:
Հ. Սահակյանը պնդեց իր նախկին տեսակետն առ այն, որ բազմաթիվ գրավոր հարցադրումների, մոտեցումների արդյունքում ԸՕ-ն բավականին փոփոխված, բարելավված տեսքով կներկայացվի ԱԺ՝ առաջին ընթերցմամբ քննարկման:
Մանրամասները՝ տեսանյութում:
