Բրյուսելում տեղի ունեցած ահաբեկչությունները հաստատում են «սառցաբեկորի տեսությունը», որը նկարագրում է ահաբեկչությունների նախապատրաստման մոդելը՝ գրում է Business Insider-ը։
Ինչպես պարբերականին բացատրել է Ջորջ Վաշինգտոնի համալսարանի աշխատակից Քլինթ Ուոթսը, համաձայն այդ տեսության՝ ահաբեկչական ցանցի հիմնական մասն անտեսանելի է, ինչպես սառցաբեկորի հիմքը։ Այսպիսով՝ յուրաքանչյուր հարձակվող ահաբեկչի հետևում կանգնած են մեծ թվով անտեսանելի հանցակիցներ։
Մեկ այլ հրապարակմամբ՝ պարբերականը փորձում է պարզել պատճաները, թե ինչու Բրյուսելի ոստիկանությունը չկարողացավ կանխել ահաբեկչությունները։ Անանուն աղբյուրի հաղորդմամբ՝ Բելգիայում արմատականների հետ կապված իրավիճակն այնքան լուրջ է, որ իրավապահ մարմինների ուժերը պարզապես չի բավականացնի բոլոր պոտենցիալ հանցագործներին հետևելու համար։
Զրուցակցի խոսքով՝ չկա անհրաժեշտ ենթակառուցվածք ահաբեկիչների հետ կապերի մեջ կասկածվող հարյուրավոր մարդկանց պատշաճ կերպով վերահսկելու համար։
Ավելի վաղ հաղորդվել էր, որ Բելգիայում ամբողջ երկրով մեկ ռեյդեր են սկսվել Բրյուսելում ահաբեկչությունների պատճառով։
