Եվրախորհրդարանի նախագահ Մարտին Շուլցը «նվաղուն» է համարել ճգնաժամից հետո Եվրամիության տնտեսության վերականգնումը: Նա առաջարկել է անհետաձգելի միջոցներ, որոնք կօգնեն արագացնելու վերականգնումը՝ հայտնում է Interfax-ը։
«Աճի տեմպերը դանդաղում է, ֆոնդային շուկաները՝ նյարդային լարվածության մեջ են, գնանկման սպառնալիքը տեղի չի տվել, գործազրկությունն, առանձնապես երիտասարդության շրջանում, նախկինի պես սկանդային կերպով բարձր է, յուրաքանչյուր տասներորդ եվրոպացին աշխատանք է փնտրում»,- ասել է Եվրախորհրդարանի ղեկավարը՝ մարտի 17-ին ելույթ ունենալով Եվրամիության գագաթնաժողովում:
Նա նշել է, որ տնտեսության վերականգնումը տեղի է ունենում անհամաչափորեն, ինչպես ԵՄ-ի երկրներում, այնպես էլ երկրների ներսում:
ԵԽ-ի ղեկավարը 10 առաջարկություն է արել «խելացի տնտեսական աճի» համար: Դրանք են՝տնտեսության մեջ ներդրումների ավելացումը՝ շեշտը դնելով փոքր և միջին ձեռնարկությունների վրա, թվային տնտեսության անցման առավելությունների առավելագույն օգտագործումը, պայքարը հարկերի վճարումից խույս տալու և ագրեսիվ հարկային պլանավորման դեմ, բաց սահմանների պաշտպանությունը և այլ միջոցառումներ։
