ԱՄՆ նախագահ Բարաք Օբաման հույս ունի, որ պաշտոնավարման իր ժամկետի ավարտից հետո Ամերիկան կստանա ոչ միայն իր գործը շարունակող նախագահ, այլև դրանում նրան աջակցող Սենատ: Այս մասին ԱՄՆ նախագահը հայտարարել է ԱՄՆ-ի Տեխաս նահանգի Դալաս քաղաք այցի ժամանակ:
«7 ու կես տարվա ընթացքում ստացված մեր ձեռքբերումները շարունակելու համար մենք պետք է ունենանք ոչ միայն դեմոկրատ նախագահ, այլև մենք պետք է ունենանք Սենատ, որն այդ գործընթացում գործընկեր կլինի»,- հայտարարել է նա:
Օբաման հավելել է, որ «մենք շատ լավ թեկնածուներ ունենք, և դուք արդեն, հավանաբար, լսել եք ցնցող հնարավորությունների մասին, որոնք մենք պետք է իրագործենք երկրի տարբեր մասերում»:
