Սան Ֆրանցիսկոյից ձեռնարկատերեր Գեոֆրի Վուն և Մայքլ Բրանդտը մտածել են սուրճ սիրողների համար իրենց վաղ առավոտյան կոֆեինը ստանալու նոր ձև՝ սուրճի ծամովի խորանարդիկներ: Այս մասին հայտնում է odditycentral.com-ը:
35 կալորիա պարունակող յուրաքանչյուր խորանարդիկը հավասարազոր է կես բաժակ սուրճ խմելուն: Այսպիսով՝ եթե դուք ուշանում եք և ժամանակ չունեք սուրճ խմելու, պարզապես երկու Go Cube-ը ձեզ կփրկի:
Go Cube-երը 100 տոկոսանոց բուսական են՝ պատրաստված հատուկ խառնուրդներից, որոնք բարելավում են հիշողությունը և զգոնությունը: Յուրաքանչյուր խորանարդիկը պարունակում է 50 մգ կոֆեին, 10 մգ վիտամին B6 և 100 մգ ամինաթթու, որը պարունակվում է կանաչ թեյում: B6-ը օգնում է մտածողական ֆունկցիային: Խորանարդիկները նաև պարունակում են 6 գրամ շաքար:
