Ամերիկացի կինոռեժիսոր, սցենարիստ և պրոդյուսոր Օլիվեր Սթոունը պատմել է Էդվարդ Սնոուդենի հետ իր համագործակցության մասին, հայտնում է Joinfo.ua-ն:
Այդահո նահանգի Սան Վելի քաղաքի կինոփառատոնում ելույթի ժամանակ նա ասել է, որ Սնոուդենի հետ վերջին անգամ հանդիպել է մի քանի շաբաթ առաջ: Ռեժիսորը Սնոուդենին ցույց է տվել նրա մասին ֆիլմի վերջնական տարբերակը:
Սթոունը նշել է, որ իր Ռուսաստանում եղած ժամանակ Սնոուդենը փոխվել է: Նրա մոտ հումորի զգացողություն է առաջացել և նա դարձել է ավելի հանդուրժող: «Հոգով նա կարծես Ռուսաստանում չէ, այլ զբաղեցնում է ինչ-որ մոլորակային դիրք»,- նշել է Սթոունը:
Հիշեցնենք, որ «Սնոուդեն» ֆիլմի պրեմիերան պլանավորված է 2016 թվականի սեպտեմբերի 16-ին:
