Պետությունների միջև ավերիչ պատերազմները կարող են վերսկսվել՝ Business Insider-ին տված հարցազրույցում ասել է Ջորջ Ֆրիդմանը: Նա հիմնել է Geopolitical Futures ծառայությունը, նաև STRATFOR ընկերությունը, որը մասնագիտացած է աշխարհաքաղաքական կանխատեսումների գործում:
Ֆրիդմանը նշել է, որ նոր ժամանակներում ոչ մի հարյուրամյակ չի անցել առանց համակարգային պատերազմի, և XXI դարը հազիվ թե բացառություն լինի:
Նա ելնում է այն թեզիսից, որ ցանկացած միջազգային համակարգ ունի բնորոշ ճակատագրական թերություններ:
Հոդվածում նշվում է, որ ըստ նրա՝ ներկայիս միջազգային համակարգը պարունակում է իր ոչնչացման սերմերը: Նվազագույնը այն դեռևս թույլ է տալիս ճգնաժամերի առաջացում, որոնք ինքը վերացնելու ուժ չունի: Ըստ Ֆրիդմանի՝ որոշ գլոբալ տերությունների անկումը կարող է հենց այդպիսի ճգնաժամ հրահրել:
«Երբ Գերմանիայի, Չինաստանի և Ռուսաստանի պես երկրներն անկում են ապրում և դուրս են մղվում ուրիշների կողմից, սկսվում են համակարգային պատերազմներ,- ասել է Ֆրիդմանը:- Ահա թե երբ է վտանգավոր դառնում՝ երբ հավասարակշռությունը դեռ չեն գտել: 1871թ. Գերմանիան միավորվեց, և սկսվեց սատանան գիտի՝ ինչ: ХХ դարի սկզբում ուժեղացավ Ճապոնիան, իսկ հետո քաոս սկսվեց: Եվ այսպես՝ մենք համակարգային հերթափոխ ենք տեսնում: Պատրաստվեք պատերազմի»: Որտե՞ղ է պատերազմ հնարավոր:
«Ամենայն հավանականությամբ, զարգացող տերություններն են՝ Ճապոնիան, Թուրքիան և Լեհաստանը: Եվ ասյպես, ես կասեի, որ պատերազմներ հնարավոր են Արևելյան Եվրոպայում և Մերձավոր Արևելքում, նաև ծովային պատերազմ, որը կվարի Ճապոնիան, իսկ ԱՄՆ-ը կվայելի իր հաճույքները»,- ասել է Ֆրիդմանը:
