ԵՄ բարեփոխումները, որոնք կապահովեն Մեծ Բրիտանիայի ինքնիշխանությունը, կմնան անիրագործելի նպատակ, Քեմերոնի կառավարությանը չհաջողվեց այս հարցում հասնել հիմնարար փոփոխությունների։ Այս մասին հայտարարել է Լոնդոնի քաղաքապետ Բորիս Ջոնսոնը՝ փոխանցում է BBC-ն։
Վարչապետ Դևիդ Քեմերոնն ավելի վաղ հայտարարել էր, որ պայմանավորվել է Բրյուսելի հետ ԵՄ-ում Բրիտանիայի հատուկ կարգավիճակի մասին, որն ազատում է երկիրը ԵՄ-ի հետ ավելի սերտ ինտեգրումից։
Սակայն BBC-ին տված հարցազրույցում Ջոնսոնը հայտարարել է, որ ԵՄ-ն ցանկանում է ստեղծել «գերտերություն», որում «մեզ անխուսափելիորեն կներքաշի»։
Համաձայնագրի վերջնական խմբագրված տարբերակում ասվում է, որ Մեծ Բրիտանիան պարտավոր չէ խորացնել քաղաքական ինտեգրումը ԵՄ-ում, և այդ ձևակերպումը պետք է դառնա ԵՄ-ի հետ այլ պայմանավորվածությունների մաս։
