Մանհեթենի գերագույն դատարանը Մադոննայի և Գայ Ռիչիի որդուն՝ Ռոկկո Ռիչիին, թույլատրել է ապրել հոր հետ Մեծ Բրիտանիայում և ծնողներից պահանջել է ընտանեկան վեճի խաղաղ լուծում գտնել: Այս մասին հայտնում է newsyou.info-ն:
Ռոկկոյի փաստաբանի խոսքով՝ դատն ու ծնողների վեճը բացասաբար են անդրադառնում իր հաճախորդի հոգեբանության վրա: Եթե երգչուհին և ռեժիսորը չկարողանան պայմանավորվել, դատարանը ստիպված կլինի նորից միջամտել:
Բացի Ռոկկոյից՝ Մադոննան ևս 3 երեխա ունի. դուստրը՝ Լուրդես Լեոնը, կուբացի ֆիթնես-մարզիչ Կառլոս Լեոնից, որդեգրված տղան՝ Դևիդ Բանդան, որին Մադոննան և Գայ Ռիչին խնամքի տակ են վերցրել բաժանությունից ոչ շատ առաջ, և որդեգրված դուստրը՝ Չիֆունդո Մերսի Ջեյմսը, որին երգչուհին որդեգրել է 2009թ.:
Գայ Ռիչին ամուսնացած է մոդել Ջեքի Էյնսլիի հետ: Մոտ 6 տարվա հարաբերությունների ընթացքում նրանք 3 երեխա են ունեցել՝ Լևին, Ռաֆայելը և Ռիվկան:
