Դանիան կուղարկի հավելյալ F16 կործանիչներ, տրանսպորտային ինքնաթիռ և օպերատիվ նշանակության ուժեր՝ Իրաքում և Սիրիայում ԴԱԻՇ-ի դեմ պայքարի համար։ Այս մասին հայտնում է Դանիայի կառավարության մամլո ծառայությունը՝ փոխանցում է RIA Novosti-ն։
Այդպիսով՝ դանիացի զինծառայողների ընդհանուր թիվը կհասնի 400-ի՝ ասվում է հաղորդագրությունում։
«Կառավարությունը մտադիր է ինտենսիվացնել պայքարը ԴԱԻՇ ահաբեկչական կազմակերպության դեմ»,- ասել է կառավարության ղեկավար Լարս Ռասմուսենը։
Նրա խոսքով՝ կառավարության առաջարկն ունի խորհրդարանական կուսակցությունների լայն աջակցությունը, և այն մոտ ժամանակներս կներկայացվի խորհրդարան՝ դրա վերաբերյալ որոշում ընդունելու համար։
Թե կոնկրետ ուր կուղարկվեն հավելյալ ստորաբաժանումները՝ չի հստակեցվում։
