Իրանական Shana լրատվական գործակալության փոխանցմամբ՝ Իրանը նախկինի նման բախվում է նավթով լեցուն լցանավերի փոխադրման ոլորտում ապահովագրման խնդիրների հետ։ Այդ մասին հայտարարել է Իրանական ազգային նավթային ընկերության (NIOC)՝ միջազգային հարցերով տնօրեն Մոհսեն Գամսարին։
Նրա խոսքով՝ Իրանը փորձում է իր բեռների ապահովագրման համար ստանալ Փոխադարձ ապահովագրման ակումբների միջազգային խմբի (P&I) համաձայնությունը։ Գամսարին հավելել է, որ P&I-ի միայն 9 անդամ է համաձայնել դրան, մինչդեռ ապահովագրություն իրականացնելու համար անհրաժեշտ է խմբի բոլոր 13 անդամների համաձայնությունը։ Գամսարին ընդգծել է, որ ներկայումս դեռ հայտնի չէ, թե երբ կլուծվի այդ խնդիրը։
