Գիշերային ակումբում պահակ աշխատող 21-ամյա տղամարդը Ryanair ընկերության չվերթով Սթանսթեդ օդանավակայանից մեկնել է Գերմանիա, հայտնում է viknaodessa.od.ua-ն:
Դորտմունդում վայրէջք կատարելուց հետո Ռիդը հայտնաբերել է, որ իր անձնագրի փոխարեն տնից վերցրել է ընկերուհու`Սոֆի Ուոթկինսի անձնագիրը:
Պարզվել է, որ Մեծ Բրիտանիայի անվտանգության ծառայողներից ոչ ոք չի նկատել, որ տղամարդն օգտվել է ոչ իր փաստաթղթից: Այդ հարցը տղամարդուն մտահոգել է, քանի որ նրա խոսքերով` ինքն ու Ուոթկինսն ունեն «տարբեր ազգանուններ և բացարձակ տարբեր արտաքին»:
Ryanair-ի ներկայացուցիչը հայտնել է, որ իրենց գործակալը սխալմամբ չի ստուգել Ռիդի անձնագիրը, նշելով, որ Ռիդը պարտավոր էր համոզվել, որ իր հետ վերցրել է իր գործող անձնագիրը: Ռիդը ստիպված տուն է վերադարձել` օգտվելով վարորդական իրավունքից:
