Ադրբեջանական 1news.az կայքի փոխանցմամբ, այսօր ԵԱՀԿ-ն մոնիթորինգ է իրականացրել հայ-ադրբեջանական շփման գծում:
Հայկական կողմից այն իրականացրել են ԵԱՀԿ գործող նախագահի դաշտային օգնականներ Խրիստո Խրիստովն ու Մարիուս Պուոձիունասը և ԵԱՀԿ բարձր մակարդակի պլանավորման խմբի ներկայացուցիչ, գնդապետ-լեյտենանտ Ալեքսանդր Նեպոկրիտիխը (Ռուսաստան):
Իսկ ադրբեջանական կողմից մոնիթորինգն իրականացրել են ԵԱՀԿ գործող նախագահի անձնական ներկայացուցչի գրասենյակի կոորդինատոր Իմրե Պալատինուսը, դաշտային օգնական Անտալ Խերդիչը և ԵԱՀԿ բարձր մակարդակի պլանավորման խմբի ներկայացուցիչ, գնդապետ-լեյտենանտ Մայքլ Օ’Քոննորը (Իռլանդիա):
Նշվում է, որ մոնիթորինգն անցել է սահմանված գրաֆիկի համաձայն և առանց միջադեպերի:
