Այսօր՝ մայիսի 20-ին, ոստիկանության Արաբկիրի բաժին ահազանգ է ստացվել, որ Մամիկոնյանց փողոցի 40 շենքի դիմաց տղամարդու դի կա:
Ինչպես հայտնում է shamshyan.com-ը, ժամանել են ոստիկանության Արաբկիրի բաժնի օպերատիվ քննչական խումբը՝ քննիչ Արտյոմ Խաչատրյանի գլխավորությամբ: Տրանսպորտի համար նախատեսված կանգառում օպերատիվ քննչական խումբը հայտնաբերել է 50-55 տարեկան տղամարդու դի և ըստ դատական բժշկի նախնական եզրակացության՝ մահվան պատճառը եղել է հանկարծամահությունը:
Քննիչ Ա. Խաչատրյանի կողմից նյութեր են նախապատրաստվում: Ոստիկանությունը պարզում է մահացած անձի ինքնությունը և բնակության վայրը:
