Իրանի ԱԳՆ նախկին մամլո քարտուղար Ռամին Մեհմանպարաստը հայտարարել է, որ հետ է վերցրել նախագահական ընտրություններին մասնակցելու համար ներկայացրած հայտը՝ հաղորդում է Mehr գործակալությունը:
«Նախագահական ընտրություններին մասնակցում են տարբեր քաղաքական խմբերի ներկայացուցիչներ: Այս կապակցությամբ ես մի կողմ եմ քաշվում, որպեսզի թեկնածուների միջև ստեղծվի առողջ մրցակցություն, իսկ համախոհ թեկնածուների թիվը նվազի»,- մեկնաբանել է նա իր որոշումը:
Իրանի նախագահ Մահմուդ Ահմադինեժադի եղբայրը՝ Դավուդ Ահմադինեժադը, նույնպես հետ է վերցրել իր հայտը: Չի հաղորդվում, թե նա ինչու և հօգուտ ում է նա նման քայլի դիմել:
