Բրիտանացի սոցիոլոգների իրականացրած հետազոտությունը, որին ներգրավվել են Facebook սոցցանցի ավելի քան 1 միլիոն օգտատերեր, վկայում է այն մասին, որ միևնույն տարիքի կանայք և տղամարդիկ տարբեր հետաքրքրություններ ունեն: Այս մասին հաղորդում է The Daily Mail պարբերականը:
Համաձայն տվյալների՝ կանայք գրքերով հետաքրքրվում են 22 տարեկանում, իսկ տղամարդիկ՝ 50 տարեկանից հետո: Կանայք ֆիլմերով հետաքրքրվում են 19 տարեկանում, տղամարդիկ՝ 31:
Հետաքրքիր է. որ տղամարդիկ սկսում են կորցնել հետաքրքրությունը իրենց կարիերայի նկատմամբ 30 տարեկանից սկսած:
Արդեն 60 տարեկանից հետո և՛ կանայք, և՛ տղամարդիկ սկսում են հետաքրքրվել քաղաքականությամբ:
Ընտանի կենդանիները կանանց սկսում են գրավել 37, տղամարդկանց՝ 43 տարեկանից հետո:
2 սեռի 16-ամյա ներկայացուցիչներն էլ հետաքրքրվում են նորաձևությամբ, իսկ ֆիթնեսով կանայք զբաղվում են 37, տղամարդիկ 43 տարեկանից հետո:
Իրենց առողջության մասին կանայք լրջորեն սկսում են մտածել 43 տարեկանից հետո, տղամարդիկ՝ 54-ից:
Սպորտը գրավում է 14-18 տարեկան տղաների և 48-ից մեծ տարիքի կանանց:
Տեխնիկական նորույթները և հեռախոսային սարքերը հետաքրքրում են 22 և ավելի տարիքի կանանց և 34-ամյա տղամարդկանց:
