Այսօր «Անի պլազա» հյուրանոցում Րաֆֆի Հովհաննիսյանը իր հրավիրած հերթական քաղաքացիական ազգային համաժողովին հայտարարեց. «Այսօր իրավունքից, բարոյականությունից և պատասխանատվությունից դուրս գործող իշխանությունը պետք է հասկանա, որ ուղիղ պատճառահետևանքային կապ կա փետրվարի 18-ի և շարունակվող արտագաղթի միջև:»:
Ր. Հովհաննիսյանը նաև նշեց, որ ինքը, պատրաստ չէ միայնակ իր լայն ուսերի վրա վերցնել պատասխանատվությունը, այո պետք է համախմբում:
Նա հայտարարեց, որ ամռանը կունենան կլոր սեղան, որը միասնական ոչ-ը կլինի կամ այո-ն: «Իշխանությունը պետք է վերցնի ժողովուրդը` իր մասնակցությամբ ի մի բերելով մեր բոլոր ցավերն ու պահանջները: Քայլեր պիտի սկսենք անմիջապես, բոլոր մարզերում, շրջկենոտրոնում, Սփյուռքում և Արցախում: Կազմակերպված ուժ պիտի տանք քաղաքացիական և ազգային մեր շարժմանը»:
Ըստ Րաֆֆի Հովհաննիսյանի՝ «Պայքարը լինելու է հետևողական, և լինելու է հաղթանակ: Իսկ դրա համար պետք ունենք նվիրյալ, հանձնառու քաղաքացիներ»:
Րաֆֆի Հովհաննիսյանի ելույթն ամբողջությամբ դիտեք տեսանյութում:
