ԴԱԻՇ-ի գրոհայինները սկսել են telegram ծառայության միջոցով տեսագրություն տարածել` Flames Of The Supporters վերնագրով: 25 րոպեանոց տեսագրությունը սպառնալիքներ է պարունակում Facebook-ի հիմնադիր Մարկ Ցուկերբերգի և Twitter-ի ստեղծող Ջեք Դորսիի հասցեին, հաղորդում է Vocativ-ը:
«Յուրաքանչյուր օր դուք հայտարարում եք մեր օգտահաշիվների փակման մասին: Դա այն ամենն է, ինչին դուք ընդունա՞կ եք: Դուք մեզ հավասար չեք: Եթե փակեք 1 օգտահաշիվ, մենք ի պատասխան կբացենք 10-ը և շուտով կմաքրենք ձեր անունները, երբ ջնջենք ձեր կայքերը»,- ասվում է տեսահոլովակում:
