«Հետևում էի իրադարձությունների զարգացմանը, և չափազանց մսխալի տեսարան է, որ կառավարությունը և պաշտպանության նախարարությունը մտածում է մարդկանց ճանապարհը փակելու մասին. դա խնդրի լուծում չէ»,- լրագրողներին հայտարարեց «Ժառանգության» գլխավոր քարտուղար Ստյոպա Սաֆարյանը։
Կառավարության շենքի առջև բողոքի ակցիայի ժամանակ «Առաջին լրատվական»-ի այն հարցին, թե իր կարծիքով՝ ինչու չթույլատրեցին մահացած զինվորի դին բերել Երևան, նա պատասխանեց. «Նրանք այստեղ իշխանություն չէին զավթելու որ չթողեցին գալ Երևան, ումի՞ց են պաշտպանում, ո՞ւմ առաջ են փակում ճանապարհը: Այս պահին փոխանակ հրապարակավ ողջ հասարակությունից ներողություն խնդրեն, որ Հայաստանում խաղաղ պայմաններում Զինված ուժերում կարող է լինել մի այսպիսի իրավիճակ… Եթե անգամ հավատանք այն ստին, թե զինվորն է մեղավոր եղել սպանության համար, միևնույն է՝ պետք է պատասխան տան, թե ինչու պետք է զինվորի մտքով նման բան անցներ, թե ինչու բանակում չկա այնպիսի ինստիտուտ, որ եթե կոնֆլիկտներ կան, ապա այդ կոնֆլիկտները լուծվեն ոչ ինքնադատաստանի միջոցով»։
Նախկին պատգամավորը նաև հավելեց. «Թող որևէ մեկը չմեղադրի այն ծնողին, որն իր երեխային փախցնում է բանակից. ծնողն ուզում է, որ իր երեխան ապրի»:
Մանրամասները կարող եք դիտել մեր տեսանյութում:
