Ռուսական TASS լրատվական գործակալության փոխանցմամբ՝ Աբխազիայի ԱԳՆ-ն փոխադարձ ոչ վիզային այցերի մասին համաձայնագրեր է պատրաստում, որոնք պետք է կնքվեն ԼՂՀ-ի ու Մերձդնեստրի Մոլդովական Հանրապետության (ՄՄՀ) հետ։
Այդ մասին հայտարարել է Աբխազիայի փոխարտգործնախարար Կան Տանիան.
«Նախարար Վյաչեսլավ Չիրիկբան Աբխազիայի ԱԳՆ-ի միջազգային-իրավական բաժնին հանձնարարել է պատրաստել բարեկամական ԼՂՀ ու ՄՄՀ փոխադարձ ոչ վիզային այցերի մասին համաձայնագրերի նախագծեր։
Դա կապված է նրա հետ, որ 2016 թվականի ապրիլի 1-ից ուժի մեջ է մտնում «Աբխազիայի Հանրապետությունից ելքի ու Աբխազիայի Հանրապետություն մուտքի կարգի մասին» օրենքը»։
Հաղորդվում է, որ այդ օրենքի համաձայն՝ այսուհետ հանրապետություն առանց վիզայի կկարողանան մուտք գործել միայն այն երկրների քաղաքացիները, որոնք ճանաչել են նրա անկախությունն ու ունեն փոխադարձ ոչ վիզային այցերի մասին համաձայնագրեր։
