ԵՄ հակամենաշնորհային գերատեսչությունները կվերադառնան Google ընկերության գործունեության հետաքննությանը, որը կասկածվում է գովազդային քաղաքականության վերաբերյալ օրենսդրության խախտման համար: Այս մասին հայտնում է Bloomberg-ը՝ հղում անելով աղբյուրներին:
Հաղորդվում է, որ մի քանի ընկերություններում, որոնք զբաղվում են համացանցում գովազդային ծառայությունների տրամադրմամբ, Google-ի քաղաքականության մասին հարցումներ են անցկացվել՝ տեղեկություն պարզելու նպատակով, որը հնարավորություն կտա հակամենաշնորհային օրենսդրության խախտման մեղադրանքներ առաջադրել:
Մասնավորապես, խոսքը Google-ի և Apple-ի միջև կնքված 1 մլրդ դոլար արժողությամբ համաձայնագրի մասին է, որի համաձայն՝ Google-ի որոնողական տողը կմնա iPhone սմարթֆոններում:
