ԴԱԻՇ ահաբեկչական խմբավորման զինյալները 2014 թվականի ամռանը Իրաքի Մոսուլ քաղաքը գրավելուց ի վեր հաշվեհարդար են տեսել 4 հազար խաղաղ բնակիչների հետ: «Ալ Արաբիա» հեռուստաալիքի փոխանցմամբ՝ այս տվյալները ներկայացրել Է Իրաքի նախկին փոխնախագահ, երկրի խորհրդարանի «Միավորում հանուն բարեփոխումների» խոշորագույն խմբակցություններից մեկի առաջնորդ Ուսամա Ալ Նաջիֆին:
Նրա խոսքով՝ «ԴԱԻՇ-ի կողմնակիցները Մոսուլում տանջամահ են արել կամ գնդակահարել քաղաքի գրեթե 4 հազար բնակիչների»: Ինչպես կարծում Է Ալ Նաջիֆին, օգնություն կանչող մոսուլցիներն իրենց քաղաքն ահաբեկիչներից շուտափույթ ազատագրելու կարիք ունեն»:
Մոսուլը երկրի՝ մեծությամբ երկրորդ քաղաքն է. նրա բնակչությունը գերազանցում է 500 հազարը: Այն իրաքյան զորքերի կողմից գործնականում առանց մարտի թողնվել է 2014 թվականի հունիսի 10-ին՝ ԴԱԻՇ-ի կազմավորումների կողմից դրա վրա հարձակումից հետո: ԴԱԻՇ-ի զինյալները Մոսուլը համարում են իրենց մայրաքաղաքն Իրաքում:
