Սան-Բեռնարդինոյի հրաձիգի iPhone-ը կոտրելու ԱՄՆ իշխանությունների պահանջները Apple կորպորացիայի նկատմամբ կրում են սահմանափակ բնույթ և նախադեպ չեն ստեղծում: ՀԴԲ տնօրեն Ջեյմս Կոմիի այս հայտարարությունը հրապարակվել է գերատեսչության կայքում:
Ավելի վաղ դատարանը Apple-ին պարտավորեցրել էր ՀԴԲ-ին օգնել հասանելիություն ստանալ սմարթֆոնին, սակայն ընկերությունը հայտարարել է, որ մտադիր չէ անել դա, քանի որ կառավարության հայտը «աննախադեպ է և սպառնում է հաճախորդների անվտանգությանը»:
«Մեզ պարզապես հնարավորություն է պետք դատական թույլտվության համաձայն՝ իմանալ ահաբեկչի ծածկագիրն առանց հեռախոսի ինքնաոչնչացման: Եվ վերջ: Մեզնից կարող է 10 տարի պահանջվել այն ճիշտ որոշելու համար: Մենք չենք ուզում կոտրել որևէ մեկի կրիպտոգրաֆիկ պաշտպանությունը կամ ունիվերսալ ագռավուկ (կողպեքներ բացելու գործիք) մտցնել շրջանառության մեջ»,- ասվում է հայտարարության մեջ:
Ըստ Կոմիի՝ պահանջվող օգնությունն ունի սահմանափակ բնույթ, իսկ դրա տեխնիկական արժեքը գնալով պակաս արդիական է դառնում զարգացող տեխնոլոգիաների պատճառով:
Սաիդ Ֆարուքը և նրա կինը՝ Թաշֆին Մալիքը, դեկտեմբերի 3-ին սպանել են 14 անզեն մարդու և վիրավորել ավելի քան 20-ին: Նրանք փորձել են փախչել, բայց ոչնչացվել են իրենց հետապնդող ոստիկանության հետ փոխհրաձգության ժամանակ:
