ԱԺ պետաիրավական հարցերի մշտական հանձնաժողովի կողմից ՄԻՊ պաշտոնում առաջադրված Արման Թաթոյանն այսօր ԱԺ լիագումար նիստում, իր զեկույցից հետո պատասխանեց պատգամավորների հարցերին:
ՀԱԿ խմբակցության ղեկավար Լեւոն Զուրաբյանը Թաթոյանից հետաքրքրվեց`«Դուք պատրաստվո՞ւմ եք ԵԽԽՎ 19-00 բանաձևն օգտագործել որպես աշխատանքային գործիք: Եվ երկրորդ` Գեորգ Սաֆարյանի և Վարդգես Գասպարիի ազատազրկման հիմքերը հիմնավոր համարո՞ւմ եք»:
Արման Թաթոյանը պատասխանեց, որ քաջածանոթ է ԵԽԽՎ բանաձևին, իսկ ինչ վերաբերվում է քաղաքական բանտարկյալ տերմիններին, պետք է նաև հաշվի առնել օրենսդրությունը, ՄԻՊ-ին հնարավորություն է տալիս գնահատականներ հնչեցնել միայն հատուկ ընթացակարգով քննարկման արդյունքում, ուսումնասիրություններից և պատկան մարմիններից պարզաբանումներ ստանալուց հետո:
«Առանց կոնկրետ գործի հանգամանքներին ծանոթանալու, ես չեմ կարող գնահատական տալ: Ընտրվելու դեպքում պատրաստ եմ քննարկել հատուկ ընթացակարգերով, քննարկել խնդիրը և համապատասխան գնահատական տալ»,- ասաց Արման Թաթոյանը:
Նա հայտարարեց, որ չի կարող ասել ` Գևորգ Սաֆարյանի ազատազրկման հիմքերը հիմնավո՞ր են, թե` ոչ, որովհետև գործին ծանոթ չէ:
Մանրամասները՝ տեսանյութում:
