ԵՄ երկրների առաջնորդները կողմ են հանդես եկել սիրիական խաղաղ բնակչության համար անվտանգության գոտիների ստեղծմանը՝ հայտարարել է Գերմանիայի կանցլեր Անգելա Մերկելը։ Այս մասին փոխանցում է Reuters գործակալությունը։
«Մենք կողմ ենք հանդես գալիս այն բանին, որպեսզի բանակցային ուղիով սահմանվեն գոտիներ, որոնցում բնակչությունը կարող է անվտանգություն ակնկալել»,- ասել է նա Բրյուսելում ԵՄ գագաթնաժողովի արդյունքներով։
Մերկելը նաև նշել է անհրաժեշտությունն անելու ամեն բան՝ Անկարային ահաբեկչությունից հետո էսկալացիայից խուսափելու համար։
Ավելի վաղ Ռուսաստանի արտգործնախարար Սերգեյ Լավրովը Սիրիայում թռիչքազերծ գոտու ստեղծումն անվանել էր Թուրքիայի, այլ ոչ թե Մերկելի նախաձեռնություն։
