Ռուսական RIA Novosti լրատվական գործակալության փոխանցմամբ՝ թուրքական հրետանին շարունակում է հրետակոծել Սիրիայի տարածքը։ Դրա հետևանքով Շչիա գյուղում զոհվել է 5-6 տարեկան երկու երեխա։ Այդ մասին հայտնել է Մոսկվայում Սիրիական Քրդստանի ներկայացուցիչ Ռոդի Օսմանը.
«Չնայած ՄԱԿ-ի հայտարարած հրադադարին, որը պահպանում են բոլոր կողմերը, այդ թվում նաև քրդերը, Թուրքիան շարունակում է հրետակոծել Սիրիական Քրդստանը և մասնավորապես Աֆրինի կանտոնը (շրջան)։ Վերջին տեղեկություններով՝ Շչիա գյուղում զոհվել է 5-6 տարեկան երկու երեխա»։
Օսմանը հայտարարել է, որ Սիրիայի քրդերի ինքնապաշտպանական ուժերը դեռ չեն արձագանքում այդ սադրանքին, և դեռ չեն պատասխանում կրակով։
