Ձախլիկների մեծ մասը նախընտրում են միշտ բջջային հեռախոսը խոսակցության ժամանակ պահել ձախ ականջին, անգամ եթե «դոմինանտ» ձեռքն անհրաժեշտ է այլ խնդիրների կատարման համար: Համապատասխանաբար, աջլիկները նախընտրում են լսել աջ ականջով՝ պարզել են ամերիկացի գիտնականները:
ԱՄՆ-ի Հենրի Ֆորդի անվան հիվանդանոցի բժիշկները՝ Մայքլ Զեյդմանի գլխավորությամբ, պարզել են, որ ձախ կիսագնդի գերիշխանություն ունեցող մարդիկ նախատեսում են բջջայինով խոսակցությունը լսել աջ ականջով ու հակառակը՝ համապատասխանաբար:
Մասնագետների հետազոտությունը հրապարակվել է JAMA Otolaryngology-Head & Neck Surgery ամսագրում:
Մասնագետները հարցում են անցկացրել մոտ 5000 մարդու շրջանում, որոնցից 90%-ը եղել են աջլիկներ, 9%-ը՝ ձախլիկներ ու 1%-ը՝ ամբիդեքստերներ (միաժամանակ գրում են թե աջ, թե ձախ ձեռքով):
Մասնակիցներից յուրաքանչյուրը բջջայինով խոսելու վրա ամսական միջինը վատնել է մոտ 540 րոպե:
Պարզվել է, որ աջլիկների 68%-ը բջջայինը հիմնականում պահում է աջ ականջին, 25%-ը՝ ձախին, իսկ 7%-ը նման նախասիրություններ չունի:
Ձախլիկների շրջանում 72%-ը բջջայինը պահում է ձախ ականջին, 23%-ը՝ աջին, իսկ 5%-ը դա համարում է անկարևոր:
