Ադրբեջանական Trend լրատվական գործակալության փոխանցմամբ՝ Ադրբեջանի արտգործնախարար Էլմար Մամեդյարովը Թուրքիայի արտգործնախարար Մևլյութ Չավուշօղլուի հետ հանդիպման ժամանակ ցավակցել է Անկարայի ահաբեկչության կապակցությամբ և դատապարտել է այն։
Նրա խոսքով՝ ահաբեկչության դեմ պայքարի հարցը շատ կարևոր է, և ներկայումս քննարկման փուլում է գտնվում Սիրիայում հակաահաբեկչական գործողությանն Ադրբեջանի մասնակցության հարցը։ Մամեդյարովն ընդգծել է, որ այդ հարցի շուրջ դեռ որոշում չի ընդունվել։
Նա հավելել է, որ Չավուշօղլուի հետ քննարկել է էներգետիկ ոլորտի հարաբերություններն ու «Բաքու-Թբիլիսի-Կարս» երկաթուղու կառուցման հարցը: «Մենք հավատում ենք, որ ԲԹԿ-ը շահագործման կհանձնվի այս տարեվերջին»,- ասել է նա։
