Չորեքշաբթի ԱՄՆ-ում կայացած լսումների ժամանակ կոնգրեսականները քննադատել են գլխավոր դատախազ Էրիկ Հոլդերին՝ երկու սկանդալների հետաքննման գործում իր ենթակայության տակ գտնվող արդարադատության նախարարության (ԱՆ) գործողությունների համար: Դրանք վերաբերում են երկրի հարկային ծառայությանը և Associated Press գործակալությանը: Այս մասին հայտնում է RIA Novosti-ն:
Ավելի վաղ ԱՄՆ իշխանությունները խոստացել էին հետաքննել հարկային ծառայության գործողությունները, որը քաղաքական ենթատեքստով հավելյալ ստւգումներ է անցկացրել ոչ հարկային կարգավիճակի հավակնող լոբբիստական կազմակերպությունների նկատմամբ: Քննադատությունների տեղիք են տվել նաև արդարադատության նախարարության գործողությունները, որը դատարանի որոշմամբ՝ թաքուն առգրավել է 2012-ի ապրիլ-մայիս ամիսներին AP գործակալության լրագրողների խոսակցությունների ձայնագրությունները:
Խոսակցությունների ձայնագրությունների ստացման առնչությամբ մեծ անհանգստություն է հայտնել դեմոկրատ կոնգրեսական Ջոն Կոնիերսը:
«Ինձ թվում է՝ ազատ մամուլին զգալի վնաս է հասցվել»,- իր հերթին արտահայտվել է Կալիֆոռնիայից դեմոկրատ կոնգրեսական Զոի Լոֆգրենը:
Ի պատասխան՝ գլխավոր դատախազը հայտնել է, որ շուտով իրենք պատրաստվում են տեղեկություններ ներկայացնել իրենց գործողությունների մասին: Արդարադատության նախարարությունը չի հայտնել, թե իր ինչին էին պետք հեռախոսազրույցների ձայնագրությունների պատճենները, սակայն գործակալությունը կասկածում է, որ իշխանությունները փնտրում են «Ալ-Քաիդայի» դեմ ԿՀՎ գործողության մասին նյութերից մեկի աղբյուրը:
